Speurhond Willem op reis

Adriaan is ’n valerige seun en nie vreeslik goed in enigiets nie. Sy hond, Willem, is ’n ander storie! Hy’s eintlik ’n speurhond, ‘n superspesiale geheime-agent-hond. Dit vind Adriaan uit toe Willem hom doodluiters een oggend inlig dat hy ’n krat moet regkry sodat hulle daarin na Istanboel ge-“koerier” kan word. Vanaf Istanboel lei die speurtog hulle ook na Venesië, Parys en Amsterdam – op ’n soektog na die boef Sybrand Swiffervalk. En dit terwyl Adriaan se ouers dink dat hy op ’n sokkertoer is . . . ’n Handleiding vir ouers en opvoeders en ’n aktiwiteitsgids vir lesers vir Speurhond Willem op reis kan afgelaai word op die webtuiste van NB-Uitgewers.