Branderjaer

Louw gooi sy volle gewig agter sy vuis, ruk dan terug en sien hoe Beast sy neus vashou. Soos gewoonlik sê sy brein en sy lyf “nee”. Dis die teenoorgestelde van wat hy wíl doen. Maar in die Kring gaan dit nie oor wil nie. Dit gaan oor wat jy móét doen. Almal in die Kring het skuld – Bloedskuld. En die Branderjaers het ’n moerse prys om te betaal.

Sy het egter nie op Louw Swanepoel gebargain nie.
Louw is een van dáárdie ouens. Die ou met die looks, met die guns van die onderwysers. Die ou wat homself in stormwaters sal gooi vir ’n gevaarlike brander of selfs teen ’n krans sal afduik vir ’n oomblik van adrenalien. Waaghalsig. Windgat. Alles wat Deidre nie kan verdra nie.
Maar hoe meer tyd Deidre saam met Louw spandeer, hoe meer besef sy sy was verkeerd. Daar is iets aan hulle, die Branderjaers. Vuur, Kannie, Klippies, Stoke en Bitter. Vyf seuns in ’n hegte broederskap gesmee deur gedeelde pyn en skuld. Ekstreem is in hulle bloed, maar daar is soveel meer as dit… Sy wil al Louw se geheime ontrafel. Dis alles of niks, ’n mens kan nie halfmas lewe nie.

Die leesgids is gratis aflaaibaar:
Branderjaer Leesgids_Gr 10&11 HT – 9780798180481